اجمل نكت 2011

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار الكلب اعد يزغرط .

ـــــــــــــــــــــــــــــــــ
واحد صايع عمل شيخ راح ربى دقنه و درسم على وشه علامه سجود ..المهم راح على صلاه الجمعه و طلب من الشيخ انه يخطب الجمعه بالناس و هدد الشيخ انو هايشرحه بالموس لو رفض المهم الامام خاف و خلاه يخطب الجمعه بعد الخطبه سال الصايع الشيخ ايه رأيك في الخطبه قاله الشيخ وهو خايف تمام بس في كمان غلط
اولا: ملك الحبشه اسمه النجاشي مش النغاشي و هو مش من كفر الشيخ .. ثانيا: اللي مش بيصلي ربنا بيحاسبه مش انت اللي هاتوريه الويل ، ثالثا: الدخان حرام حتى و لو كنت سكران و فاقد السيطره على عقلك ، رابعا: ابو جهل ما باعش بلال لبرشلونه بخمس ملايين ,و بعدين لما تخلص الخطبه بتنزل على السلالم مش بتتزحلق على الدرابزين .

ــــــــــــــــــــــــــــــــــــ
مدرس كيمياء رزق بولد …. فسماه سامي أكسيد الكربون .
مرة واحد قال لسواق تاكسى نادى الشمس قاله ماتنديها انت .* مرة واحد اهوجى اشترى تلفزيون ماركة توشيشا .* كمسري أبوه مات ماشى في الجنازة يقول يا حضرات الجنازة فاضية آدام .* مرة واحد مصوراتي طلعله عفريت حمضه .* اتنين صيادلة قابلوا بعض الأول بيقول للتانى يامرهم بيك بنسلين ماشفنكش رد التانى قل له أهى تينيا .
* كمسرى راح يتجوز لقى المهر ناقص كتب الباقى على ضهر التذكرة .

* بياع جرايد ابوه مات مشى فى الجنازة يقول اقرا الفاتحة .